Sońǵy eki aı boıy jalǵasqan saılaý naýqany aıaqtaldy - OSK
Búgin QR OSK-nyń ashyq otyrysynda 2019 jylǵy 9 maýsymda bolǵan Qazaqstan Respýblıkasy Prezıdentiniń kezekten tys saılaýynyń qorytyndylaryn anyqtaý týraly qaýly qabyldandy.
«Búgin biz elimizde sońǵy eki aı boıy jalǵasqan saılaý naýqanyn aıaqtadyq. Barlyq deńgeıdegi saılaý organdarymen 2019 jylǵy 9 maýsymǵa belgilengen kezekten tys QR Prezıdentiniń saılaýyn ótkizýdi uıymdastyrý týraly Qazaqstan Prezıdentiniń Jarlyǵyn oryndaý qamtamasyz etildi. Saılaýdyń sońǵy nátıjesi belgilendi, Qazaqstan Prezıdenti saılandy. Barlyqtaryńyzdy osy memlekettik mańyzy bar oqıǵamen quttyqtaımyn!», - dedi Berik Imashev.
Osy oraıda, ol saılaýdy uıymdastyrý sharalaryna qatysqandarǵa, halyqaralyq jáne ulttyq baıqaýshylarǵa, sondaı-aq belsendi azamattyq pozıtsııasy úshin saılaýshylarǵa alǵysyn aıtty.
Budan buryn habarlanǵandaı, QR Ortalyq saılaý komıssııasy 2019 jyldyń 9 maýsymynda ótken kezekten tys prezıdenttik saılaýynyń qorytyndysyn shyǵardy.
«Jambyl Ahmetbekovke 167 649 daýys berildi nemese ol saılaýshylardyń 1,82 protsent daýysyn aldy. Danııa Espaeva 465 714 nemese barlyq saılaýshylardyń 5,05 protsent daýysyn aldy. Ámirjan Qosanov 1 495 401, ıaǵnı barlyq saılaýshylardyń 16,23 protsentin, Tóleýtaı Rahymbekov 280 451 nemese saılaýshylardyń 3,04 protsentin jınady. Sonda-aq Amangeldi Taspıhovqa 182 898 daýys berildi, bul daýys berýge qatysqan saılaýshylardyń 1,98 protsenti, Qasym-Jomart Toqaevqa 6 539 715 daýys nemese saılaýshylardyń 70,96 protsenti daýys berdi. Sádi-Bek Túgel 84 542 nemese saılaýshylardyń 0,92 protsent daýysyn aldy.
