Sońǵy eki aptada COVID-19 juqtyrý kórsetkishi 15% ósti - Aıjan Esmaǵambetova
«Respýblıkamyz boıynsha epıdemıologııa jaǵdaı turaqty. Biraq sońǵy 2 aptada syrqattaný deńgeıiniń óskeni baıqalyp otyr. Táýligine 120 jaǵdaıǵa deıin tirkelýde. Aldyńǵy aptamen salystyrǵanda, sońǵy aptada syrqattaný deńgeıi 15%-ǵa ósti. Epıdemıologııalyq jaǵdaıdy baǵalaý matrıtsasyna sáıkes, respýblıkanyń barlyq aımaqtary «jasyl aımaqta» turǵanyna qaramastan, 14 óńirde R kórsetkishi joǵary. Bul aýrýdyń taralýyn kórsetip otyr. Respýblıkada jiti respıratorlyq vırýstyq ınfektsııa jáne tumaý boıynsha epıdemıologııalyq maýsym jalǵasýda. Epıdemıologııalyq maýsym bastalǵannan beri JRVI-di juqtyrýdyń 3 mln 400 myńnan astam jaǵdaıy tirkeldi. Al tumaýdyń 3 myńnan astam jaǵdaıy anyqtaldy», - dedi Bas memlekettik sanıtarlyq dáriger Ortalyq saılaý komıssııasynda sóılegen sózinde.
Onyń aıtýynsha, syrqattaný deńgeıi ótken jyldyń sáıkes kezeńimen salystyrǵanda 30%-ǵa ósken. Elimiz boıynsha sońǵy 2-3 aptada JRVI juqtyrý 1,6 ese artqan.
Osyǵan baılanysty Aıjan Esmaǵambetova saılaýaldy úgit-nasıhat kezinde JRVI men koronavırýs ınfektsııasyn juqtyrý jıilegen óńirlerde saqtyq sharalaryn qatań saqtaýǵa shaqyrdy.