Sońǵy bir jarym jylda QR Іshki ister mınıstrliginiń joǵary oqý oryndary 33 ǵylymı zertteý jumysyn júrgizdi

Bul týraly búgin QR Іshki ister vıtse-mınıstri Amantaı Áýbákirovtiń tóraǵalyǵymen ótken Ǵylymı-ádistemelik keńestiń otyrysynda málim boldy.

Vedomstvonyń baspasóz qyzmetinen habarlaǵandaı, keńeske mınıstrlik komıtetteriniń tóraǵalary men departamenteriniń bastyqtary, sondaı-aq ІІM joǵary oqý oryndarynyń basshylyǵy qatysty.

Otyrysta 2010 jyldyń ishinde jáne aǵymdaǵy jyldyń 1-toqsanyna deıin ІІM joǵary oqý oryndarynda júrgizilgen ǵylymı-zertteý jumystarynyń qorytyndysy shyǵarylyp, 2011-2012 jyldarǵa arnalǵan ǵylymı zertteýler josparynyń jobasy talqylandy. Atalmysh kezeńde ІІM joǵary oqý oryndary 33 ǵylymı zertteý jumysyn júrgizdi, olardyń nátıjeleri ishki ister organdarynyń praktıkalyq qyzmetine engizildi.

Ǵylymı zertteýler josparyna qylmysqa qarsy kúrestiń jáne qoǵamdyq tártipti qorǵaýdyń ózekti máselelerin qarastyratyn 20-dan astam zertteý engizildi. Onyń ishinde sybaılas jemqorlyqqa, zańsyz kóshi-qonǵa jáne esirtkiniń zańsyz aınalymyna qarsy is-qımyl, tergeý jáne anyqtaý bólinisteriniń qyzmetterin jáne taǵy basqany jetildirý bar.