Sońǵy bir aptada koronavırýspen aýyr jaǵdaıda túsetinder artty – Aınagúl Qýatbaeva
NUR-SULTAN. QazAqparat – Infektsııalyq statsıonarlarǵa túsken 596 qazaqstandyqtyń jaǵdaıy aýyr, dep habarlaıdy QazAqparat.
«Statsıonarǵa jatqyzylǵan naýqastardyń kóbeıýi ózekti másele bolyp otyr. Sonyń ishinde aýyr jaǵdaı túrimen sıpattalatyn 596 naýqastyń bar ekenin aıtamyz. Onyń arasynda 493 naýqas óte aýyr jaǵdaıda jatsa, 103 naýqas asa aýyr jaǵdaıda. Ókpeni jasandy jeldetkishpen 83 naýqas qamtamasyz etilgen», - dedi Qoǵamdyq densaýlyq saqtaý ulttyq ortalyǵynyń basqarma tóraǵasynyń orynbasary Aınagúl Qýatbaeva Ortalyq kommýnıkatsııalar qyzmetinde.
Sondaı-aq, maman sońǵy bir aptada aýrýhanaǵa aýyr jaǵdaıda túsetin naýqastardyń artqanyn atady.
«Statıstıkalyq málimetterdi taldaıtyn bolsaq, sońǵy 7 kúnniń ishinde juqpaly aýrýlar statsıonarlarynda tósektermen qamtamasyz etý 25 paıyzdan 29 paıyzǵa, reanımatsııalyq tósekterdiń qajettiligi 20 paıyzdan 24 paıyzǵa artqanyn aıtý kerek», - dedi Aınagúl Qýatbaeva.
Atalǵan sharada Aınagúl Qýatbaeva koronavırýspen aýyrǵandarǵa vaktsına salýǵa bolatyn merzim eki ese, ıaǵnı 6 aıdan 3 aıǵa deıin qysqartylǵanyn aıtqan bolatyn.
