Sońǵy bes jyldyń ishinde elimizde zamanaýı 26 emhana salyndy - QR Densaýlyq saqtaý mınıstrligi
ASTANA 18 aqpan. QazAqparat - 2012 jyly elimizde 2,7 mln. adam statsıonarlarǵa jatqyzyldy. Bul týraly búgin Parlament Májilisinde densaýlyq saqtaý salasynyń damý máselelerine arnalǵan Úkimet saǵatynda málim boldy.
«Tegin medıtsınalyq kómektiń kepildik berilgen kólemine baǵyttalǵan qarjy tıimdi paıdalanylýda. 2012 jyly 2,7 mln. adam statsıonarlarǵa jatqyzyldy. ıAǵnı, kúnine 7,5 myń adamnan keledi. Sondaı-aq, kún saıyn ortasha alǵanda 2 myńnan astam ota jasaldy. Kúnine 1 myńdaı áıel bosanyp, jedel járdem qyzmeti 18 myńdaı shaqyrtýǵa qyzmet kórsetti», - dedi byltyrǵy jyldy qorytyndylaǵan S. Qaıyrbekova.
Onyń aıtýynsha, elimizde oryn alyp otyrǵan ýrbanızatsııa úrdisteri medıtsınalyq qyzmet kórsetiletin qala halqynyń sanyn arttyra túsken. Mundaı jaǵdaıda emhanalardyń sany halyqqa qyzmet kórsetý boıynsha jetkilikti deńgeıde emes. Soǵan oraı problemany sheshý úshin zaman talaptaryna saı keletin jańa tıptik emhanalar salyna bastaǵan.
«Tek sońǵy 5 jyldyń ishinde 26 emhana salyndy. Onyń ishinde Astanada - 5, Almatyda - 4 jańa emhana paıdalanýǵa berildi», - dedi mınıstr.
