Sońǵy bes jylda sıntetıkalyq esirtki tutynatyn balalar men eresekter sany 14 ese artqan

ASTANA. QazAqparat – Sońǵy bes jyl ishinde sıntetıkalyq esirtkini tutynatyn balalar men eresekter sany 14 ese ósti. Bul týraly «Ashyq» NQA portalynda jarııalanǵan 2023-2027 jyldarǵa arnalǵan memlekettik jastar saıasaty tujyrymdamasy týraly qujatta kórsetilgen, dep habarlaıdy QazAqparat tilshisi.

«2022 jylǵy 1 shildedegi derek boıynsha psıhoaktıvti zattardy paıdalaný saldarynan «psıhıkalyq minez-qulyq buzylystary» dıagnozy qoıylyp, baqylaýǵa alynǵan 18 ben 29 jas aralyǵyndaǵy 6 myńnan astam qazaqstandyq bar. Olardyń 46%-y esirtki jáne psıhotroptyq zattardy qoldaný saldarynan osy hálge dýshar bolǵan. Sıntetıkalyq esirtkilerdi tutynatyn adamdar sanynyń aıtarlyqtaı ósý úrdisi baıqalady. Bes jyl ishinde bul kontıngent balalar men eresekter arasynda 14 ese ósti. Qazaqstan jastary arasyndaǵy asa mańyzdy áleýmettik problema — sýıtsıdtiń taralýy. Dúnıejúzilik densaýlyq saqtaý málimeti boıynsha 2019 jyly Qazaqstan elder arasynda sýıtsıd deńgeıi boıynsha 20-shy orynda. 2019 jyly 3 738 sýıtsıd jaǵdaıy tirkeldi», - delingen qujatta.

Tujyrymdamada jazylǵandaı, sońǵy bes jylda 15-17 jastaǵy jasóspirimder arasynda qaıǵy aıaqtalǵan sýıtsıdter sany 13,3 paıyzǵa, al óz ózine qol jumsaýǵa oqtalý faktileri 37,1 paıyzǵa ósken.