Sońǵy bes jylda mas kúıde jasalǵan qylmystar sany eki eseden asqan
ASTANA. QazAqparat - Elimizde sońǵy bes jylda ishimdikke masaıǵan kúıde jasalǵan qylmystar sany eki eseden asyp otyr jáne bul 13 myńnan astam faktini quraıdy.
Bul týraly búgin etıl spırti men alkogol ónimderiniń óndirilýin jáne aınalymyn memlekettik retteýge arnalǵan zań jobasynyń tanystyrylymy barysynda málim boldy. Eske salsaq, zań jobasynyń tusaýy Parlament Májilisinde kesilgen bolatyn.
Zań jobasyn ázirlegen QR Qarjy mınıstrliginiń usynǵan málimetterine qaraǵanda, sońǵy bes jylda kisi óltirýdiń 3,2 myń faktisi ishimdik iship, mas kúıinde jasalǵan. Budan bólek, avtokólikterdi mas kúıinde basqarǵan 330 myńnan astam júrgizýshi ustaldy. Al osyndaı rýlge mas kúıinde otyrǵan júrgizýshiler kinásinen 1,8 myń jol-kólik oqıǵasy oryn alyp, sonyń saldarynan 494 adam qaza boldy. Ártúrli dárejedegi jaraqat alǵandar sany 2,5 myń adamǵa jetipti.
