Sońǵy bes jylda elordada jylý tarıfteri qanshaǵa ósti
NUR-SULTAN. QazAqparat - «Astana-Teplotranzıt» AQ Basqarma tóraǵasy Vasılıı Kýrısko sońǵy bes jylda elordada jylý tarıfi qanshaǵa óskenin málim etti, dep habarlaıdy QazAqparat tilshisi.
«Jylýmen jabdyqtaý jelisiniń tozýy búginde – 56%. Ázirge keshiktirilgen jóndeý jumystary joq. Endi biz 2021-2025 jyldarǵa arnalǵan tarıfti qorǵaımyz. Eger biz málimdegen tarıf berilse, onda jelini jóndeýde kidiristerge jol bermeımiz. Eger olaı etpese, onda ózderińiz bilesizder, qarjy quıylmasa qıyndyqtar týyndaýy múmkin», - deıdi Vasılıı Kýrısko Májilis depýtattarymen kezdesý barysynda.
Kásiporyn basshysy elordada sońǵy bes jyl ishinde jylý tarıfteri qanshaǵa kóterilgeni týraly da aıtty.
«Tarıf dınamıkasyna keler bolsaq, eger qoldanystaǵy tarıf bolsa - biz ony 2020 jyldy qosyp qorǵap qoıdyq. Ósim bar, sońǵy bes jylda bizge: birinshi jyly 7%, ekinshi jyly 6,6% jáne sońǵy eki jylda 5,5%-dan ósirýge ruqsat etildi», - deıdi ol.
Sondaı-aq, ol kásiporyndaǵy jumysshylardyń jalaqysy ortasha eseppen 200 myń teńge ekenin aıtty.
