Sońǵy bes jylda agroónerkásip kesheninde memlekettik qoldaýdyń kólemi 3,8 esege ósti
ASTANA. Mamyrdyń 28-i. QazAqparat /Qanat Mámetqazyuly/ - Sońǵy bes jylda agroónerkásip kesheninde memlekettik qoldaýdyń kólemi 3,8 esege ósti. Bul týraly búgin QR Parlamenti Senatynda «Saýarmaly egin sharýashylyǵy máseleleri boıynsha zańnamany jetildirý jáne Qazaqstanda sýarmaly jerlerdi tıimdi paıdalanýdyń joldary» atty taqyrypta ótken jıynda Aýyl sharýashylyǵy vıtse-mınıstri Marat Orazaev málim etti,
dep habarlaıdy QazAqparat.
Vıtse-mınıstrdiń aıtýynsha, 1999 jyldan bastap el ekonomıkasynyń agrarlyq sektory turaqty qarqynmen damyp keledi. Bul rette sońǵy bes jylda aýyl sharýashylyǵy ónimderin óndirýdiń jyl saıynǵy ósý qarqyny ortasha eseppen 4 paıyzdy qurap otyr. Al byltyrǵy jylǵy álemdik qarjy daǵdarysynyń keri áserine qaramastan, aýyl sharýashylyǵy óndirisiniń jalpy kólemi 13,8 paıyzǵa artqan.
«Sońǵy bes jylda agroónerkásip kesheninde memlekettik qoldaýdyń kólemi 3,8 esege ósti jáne bıylǵy jyly mınıstrliktiń bıýdjeti 296 mlrd. teńgege jetip otyr. Bul jerde Úkimettiń agroónerkásip keshenin qarjylandyrýy jáne zańnamany jetildirý týraly usynysyna únemi qoldaý jasaǵan Parlament depýtattarynyń eńbegi de zor», dedi M. Orazaev.
