Sońǵy bes aıda respýblıkanyń ózen-kólderinde 141 adam sýǵa ketti
STANA. Maýsymnyń 9-y. QazAqparat /Jasulan Amanbaıuly/ - Sońǵy bes aı ishinde respýblıkanyń ózen-kólderinde 141 adam sýǵa batyp ketken. Bul týraly búgin Astanada Tótenshe jaǵdaılar departamenti sýda qutqarý qyzmetiniń bastyǵy Georgıı Savrýk málim etti,
dep habarlaıdy QazAqparat.
Bul kórsetkish sýǵa shomylý maýsymynyń barysynda áldeqaıda ósedi. G. Savrýktiń aıtýynsha, ólim-jitimniń negizgi sebepteri sýǵa túsýshilerdiń qaýipsizdik sharalaryna salǵyrt qaraýynan jáne mas kúıinde sýǵa shomylýynan bolady. Osylaısha, sýǵa shomylý maýsymy ashylǵaly beri 22 adam ajal qushqan. Al ótken táýlikte 9 adam sýǵa batyp ketken.
Soǵan oraı búgin astanalyq qutqarýshylar men medıtsına qyzmetkerleri Esil ózeniniń jaǵalaýynda sýǵa batqandardy qutqarýdyń jáne olarǵa alǵashqy medıtsınalyq kómek kórsetýdiń ádis-tásilderin kórsetti. Ózderiniń bıylǵy maýsymdaǵy daıyndyqtaryn taǵy bir shyńdap aldy.
Qutqarýshylar, júze bilý - sýda qaýipsizdik kepili emestigin atap ótýde. «Aptap ystyqta adamdar salqyndaǵylary kelip, barlyq qaýipterdi eskermesten sýǵa túse bastaıdy. Sý túbine, tereńge súńgıdi. Al ol jerdegi temperatýranyń jáne qysymnyń áldeqaıda tómen ekendigi belgili. Temperatýra men qysymnyń tez ózgerýi bolǵan kezde adamnyń júregi toqtap qalady», deıdi G. Savrýk.
Sondyqtan adamdar jazǵy mezgilde kún ashyq, jelsiz, aýa temperatýrasy +25 S jáne odan joǵary bolǵan kezderi ǵana sýǵa túskenderi abzal. Sý temperatýrasy 18 S gradýstan tómen bolmaýy tıis.
