Sońǵy bes aıda Astana halqynyń sany 15 089 adamǵa ósti
ASTANA. 20 shilde. QazAqparat - Astana turǵyndarynyń sany 758 myńnan asyp jyǵyldy.
Bul týraly Densaýlyqty damytý respýblıkalyq ortalyǵynyń baspasóz qyzmetinen habarlady.
Usynylǵan statıstıkalyq málimetterge sáıkes, elordalyqtardyń sany sońǵy bes aıda 15089 adamǵa ósti. Bul rette eldiń Bas qalasynda turatyndardyń 51,62 paıyzy - áıelder, qalǵan 48,38 paıyzy - erler. Astanada 18 jastan joǵary halyqtyń sany basym - 74,55 paıyz, 14 jasqa deıingi balalardyń úlesi turǵyndardyń barlyq sanynyń 22,02 paıyzyn quraıdy.
Astanalyqtardyń teń jartysy derlik Almaty aýdanynda turady - 48,13 paıyzy, Saryarqa aýdanynda - 39,04 paıyzy tursa, elordanyń jas aýdany - Esilde halyqtyń 12,83 paıyzy tirkelgen.
Usynylǵan aqparattar Astana qalalyq Statıstıka departamentiniń 2012 jyldyń 1 maýsymyndaǵy jaǵdaı boıynsha resmı málimetterine negizdelgen.
