Sońǵy aptada koronavırýsqa shaldyqqan naýqastar sany 12 paıyzǵa artty
NUR-SULTAN. QazAqparat – Sońǵy aptada koronavırýsqa shaldyqqan naýqastar sany 12 paıyzǵa artty. Bul týraly QR Densaýlyq saqtaý vıtse-mınıstri – bas memlekettik sanıtar dáriger Erlan Qııasov aıtty, dep habarlaıdy QazAqparat tilshisi.
«17 naýryzdaǵy jaǵdaı boıynsha Qazaqstanda COVID-19-ǵa oń nátıjemen 226 767 naýqas, al KVI-diń teris nátıjesimen 49 896 jaǵdaı tirkeldi. KVI ońnan 208 074 jáne KVI teristen 45 428 naýqas saýyǵyp shyqty. Aqpanda qańtarmen salystyrǵanda naýqastar sany 30 paıyzǵa tómendegi baıqaldy. Sonymen qatar sońǵy 5 kúnniń ishinde táýligine 1 myńnan astam jaǵdaı anyqtaldy. Sońǵy aptada aldyńǵy aptamen salystyrǵanda naýqastar sany 12 paıyzǵa ósýi baıqalady», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, Qazaqstan táýekeli tómen nemese jasyl aımaqtan táýekeli ortasha aımaqqa, ıaǵnı sary aımaqqa aýystyryldy.
«Qyzyl aımaqta 3 óńir - Nur-Sultan men Almaty qalalary jáne Batys Qazaqstan oblysy tur. Sary aımaqta Almaty, Aqmola, Atyraý, Qaraǵandy oblystary ornalasqan. Qalǵan oblystar jasyl aımaqta», - dedi Erlan Qııasov.
