Sońǵy aptada koronavırýs ınfektsııasyn juqtyrǵandar sany 3,2 ese ósti
Bul jaıynda búgin Premer-Mınıstrdiń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııanyń otyrysynda belgili boldy.
COVID-19 boıynsha halyqqa medıtsınalyq kómektiń kórsetilýine Nur-Sultan qalasyndaǵy BMSK uıymdaryna barý arqyly júrgizilgen monıtorıng nátıjeleri belgili boldy.
Qalanyń 8 emhanasynda júrgizilgen monıtorıng emhanalardyń 12%-da (jeke medıtsınalyq uıymdar) súzgi-kabınet jumysynyń uıymdastyrylmaǵanyn, COVID-19 juqtyrǵan naýqastarǵa qashyqtan monıtorıng júrgizilmeıtinin, dezınfektsııa, maska rejımi, áleýmettik qashyqtyq saqtalmaıtynyn kórsetti.
Vıtse-premer Eraly Toǵjanov Nur-Sultan qalasy ákimdigine COVID-19 juqtyrǵan naýqastarmen jumys júrgizý algorıtmin saqtamaıtyn medıtsınalyq uıymdarǵa tıisti shara qabyldaýdy jáne osyndaı tekserýlerdi barlyq óńirde júrgizýdi tapsyrdy.
