Sońǵy aptada HQKO-ǵa kelýshiler sany 3 esege artty
ASTANA. QazAqparat - Sońǵy aptada HQKO-ǵa kelýshilerdiń sany 3 esege artty, klıentter sanynyń bulaısha kúrt ósýi jergilikti atqarýshy organdar júrgizip jatqan «Jeke tulǵalar» memlekettik derekter qorynda málimetterdi ózektendirýge baılanysty.
Qazirgi ýaqytta ákimdikterdiń qyzmetkerleri azamattardy aýla aralap tekserý júrgizýde jáne málimetter sáıkes kelmegen jaǵdaıda, málimetterin ózektendirý talap etiletin barlyq azamattardy jeke basy kýálikterin aýystyrý nemese mekenjaı málimetterin túzetý úshin HQKO-yna joldaıdy. Nátıjesinde sońǵy aptada HQKO-ǵa kelýshilerdiń sany 3 ese artty, dep habarlaıdy HQKO baspasóz qyzmetinen.
«Búgin tańerteńnen jeke bas kýálikterin aýystyrý nemese mekenjaı málimetterin túzetý úshin 3 myńnan astam talon berildi, bul ádettegi kúnde osy qyzmetti alýshylar sanynan úsh ese artyq. Kelýshilerdiń eń kóbi Astana qalasynda, Jambyl, Qyzylorda, Qostanaı oblystarynda. Qujattandyrý júrgizýdi qalaıtyn azamattar sany jaqyn arada tek ósý múmkindigi týraly boljam bar», - dep «HQKO» RMK bas dırektory Ásemgúl Baltasheva atap ótti. Sondaı-aq Baltashevanyń aıtýynsha, qazirgi ýaqytta Halyqqa qyzmet kórsetý ortalyqtary kezek boldyrmaý jáne azamattarǵa kútý merziminen keshiktirmeı qyzmet kórsetý úshin barlyq múmkindikterdi jasaýda. HQKO 238 qyzmetkeri kóshi-qon polıtsııasy qyzmetkerlerine mekenjaıjaı-anyqtamalyq muraǵat boıynsha tekserýge kómek kórsetý úshin jiberilgen. Kóshi-qon polıtsııasynyń qyzmetkerleri jumys kúnderi jyljymaly keste boıynsha úzilispen 09.00-den bastap 18.30-ǵa deıin jáne senbi kúni 09.00-den bastap 13.00-ge deıin jumys ýaqytyna ótken.
