Sońǵy aptada Astanada zańsyz esirtki aınalymynan 36 keli ár túrli esirtki zattary alynǵan - ІІD
ASTANA. 14 jeltoqsan. QazAqparat /Jasulan Amanbaıuly/ - Sońǵy aptada Astanada zańsyz esirtki aınalymynan 36 keli ár túrli esirtki zattary alynǵan. Bul týraly búgin brıfıngte Astana qalalyq Іshki ister departamentiniń Memlekettik til jáne aqparat bóliminiń bastyǵy Nurdildá Oraz málim etti.
«Dopıng» jedel-aldyn alý sharasyn ótkizý kezinde qala aýmaǵynda zańsyz esirtki aınalymyna qatysty 3 qylmys tirkeldi, onyń 1 faktisi esirtki satý. Sonymen qatar 9 ákimshilik materıal jasaldy.
«Olardyń ishinde zańsyz esirtki aınalymy - 36 kılogramm 714 gramm ár túrli esirtki quraldary, onyń 2,56 gramy - «geroın»,- dedi N. Oraz.
«Geroın» zatyn ІІD-niń EBQKB qyzmetkerleri 11 jeltoqsan kúni 32 jastaǵy áıeldiń jeke zattaryn tekserý kezinde taýyp aldy.
