Sońǵy aptada 1,5 myńǵa jýyq qylmystyń izi sýymaı ashyldy - QR ІІM
ASTANA. 2 naýryz. QazAqparat /Jasulan Amanbaıuly/ - Sońǵy bir aptada 1 944 qylmys jasaldy. Onyń ishinde 1 464-ke jýyǵy izi sýymaı, sondaı-aq buryn jasalǵan 340 qylmystyń beti ashyldy.
Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
Qylmysqa qatysy bar degen kúdikpen 60 adam ustalyp, 12 qarý tárkilendi.
«Sonymen qatar 103 esirtki qylmysy, onyń ishinde 63-i esirtki satý faktisi boıynsha anyqtaldy. Jalpy alǵanda 30 kg astam esirtki zattary, onyń ishinde 15,5 kg geroın tárkilendi»,-dedi ol.
Atap aıtqanda, Qaraǵandy oblysy Temirtaý qalasynda 28 jastaǵy jergilikti turǵyn quryqtaldy. Odan satý maqsatynda daıyndalǵan 1 keli geroın tabyldy.
Sondaı-aq Qaraǵandynyń polıtsııa qyzmetkerleri arnaıy operatsııa barysynda jergilikti turǵynnyń páterinen 864 gramm geroın tapty.
