Sońǵy amerıkandyq áskerı bólim Irakty tastap shyqty - ITAR-TASS
ASTANA. Tamyzdyń 20-sy. QazAqparat - Irakqa basyp kirgennen jeti jyldan keıin sońǵy amerıkandyq jaýyngerlik bólim eldi tastap shyqty. Derekkózderdiń aqparaty boıynsha, AQSh armııasynyń ekinshi jaıaý ásker dıvızııasy 4-shi brıgadasynyń jeke quramy men tehnıkasy beısenbi kúni túnde bazalaryn tastap, Kýáıtke bet aldy, dep habarlaıdy ITAR-TASS agenttigi.
Armııa qurylymynyń baspasóz hatshysy Krıstofer Ofradtyń aqparaty boıynsha, 4 myń áskerı qyzmetkerden turatyn brıgadanyń basym bóligi ámirlikpen aradaǵy shekaradan ótti. Irakta olardyń birneshe júz serikteri ǵana qalyp otyr, olar bazanyń jınalýymen baılanysty birqatar ákimshilik jáne tehnıkalyq máselelerdi sheshýleri kerek. Olar Baǵdadtan búgin keshke ushyp shyǵady.
2008 jyldyń qarasha aıynda Vashıngton pen Baǵdadtyń arasynda jasalǵan kelisimge sáıkes, amerıkandyq áskerı jaýyngerlik bólimder 2010 jyldyń tamyz aıynyń 31-ine deıin Irakty tastap shyǵýy kerek. Al qalǵan kontıngent, olar -50 myńǵa jýyq áskerı qyzmetkerler, Iraktyń qaýipsizdik kúshterin úıretýdi jalǵastyrady jáne olarǵa jaýyngerlik operatsııalar júrgizýge kómektesetin bolady. Degenmen, bul bólimder de Iraktan 2012 jylǵa deıin ketýleri kerek.
Biraq ta, AQSh-tyń resmı ókilderi, Irak tarabynyń ótinishi boıynsha bul merzimniń ózgertilýi múmkin ekenin naqtylaýda.
4-shi brıgada ketkennen keıin elde 56 myńdaı amerıkandyq jaýynger ǵana qalady.
