Sońǵy alty aımen salystyrǵanda mal sharýashylyǵy ónimi 1,5 paıyzǵa arzandady
ASTANA. QazAqparat - 2014 jylǵy birinshi jartyjyldyqta aýyl sharýashylyǵy ónimine baǵa 4,2 paıyzǵa ósti. Sonymen qatar, aǵymdaǵy jylǵy maýsymda 2013 jylǵy jeltoqsanmen salystyrǵanda, aýylsharýashylyq qurylymdarynda satylǵan ósimdik sharýashylyǵy ónimi 8,1 paıyzǵa qymbattaǵan, al mal sharýashylyǵy ónimi 1,5 paıyzǵa arzandady. Bul týraly Statıstıka agenttiginiń baspasóz qyzmetinen habarlandy.
Atap aıtqanda, aǵymdaǵy jylǵy qańtar-maýsymda baǵa bıdaıǵa 10 paıyz, kúrishke - 3,1 paıyz, arpaǵa - 2,3 paıyz, taryǵa - 0,1 paıyzǵa ósti. Kerisinshe, qaraqumyq baǵasy 19,9 paıyzǵa, qara bıdaı - 17,1 paıyzǵa, júgeri - 3,4 paıyzǵa, suly - 0,9 paıyzǵa tómendegen.
Budan bólek, kartop 17,3 paıyz, bas pııaz - 15,2 paıyz, qyryqqabat - 14,4 paıyz, sábiz - 12,6 paıyz, qyzylsha - 10,8 paıyzǵa qymbattaǵan. Sonymen qatar, baǵa ósimi burshaqqa 14,1 paıyz, kúnbaǵys tuqymyna - 1,1 paıyzdy qurady.
Sondaı-aq, esepti kezeńde baǵa qus etine 4,1 paıyz, shoshqa etine - 4 paıyz, qoı etine - 1,6 paıyz, jylqy etine - 1,4 paıyz, iri qara mal etine - 0,3 paıyzǵa ósken. Kerisinshe, jumyrtqa 25,7 paıyzǵa arzandasa, shıki sút 4,8 paıyzǵa, jún 1,9 paıyzǵa qymbattaǵan.
