Sońǵy 800 myń jylda atmosferadaǵy kómirqyshqyl gazynyń mólsheri sharyqtaý shegine jetti
ASTANA. QazAqparat - Atmosferadaǵy kómirqyshqyl gazynyń mólsheri 2016 jyly taǵy da búkil burynǵy rekordtardan asyp, sońǵy 800 myń jyldyqtaǵy eń joǵary kórsetkishke jetti.
Bul jaıly Búkilálemdik meteorologııalyq uıymnyń Jenevada usynylǵan jańa baıandamasynda aıtyldy, dep habarlaıdy BUU Jańalyqtar ortalyǵy.
Mamandardyń aıtýynsha, SO2 gazynyń mólsheri byltyr mıllıonǵa 403,3 bólshek bolsa, 2015 jyly bul kórsetkish 400 bólshek tóńireginde edi.
Onyń kúrt artýyna El-Nıno tabıǵat fenomeni men adam qyzmetiniń áseri sebep bolyp otyr. «Atmosferaǵa zııandy zattardy shyǵarýdy qysqartý úshin belsendi sharalar qabyldaý qajet, óıtkeni biz shyǵarǵan árbir SO2 molekýlasy atmosferada qalyp, jınala beredi. Qoqys shyǵarýdy azaıtyp, «naýalardy» kóbeıtý qajet. Naýa degenimiz - bıosfera jáne muhıt. Bıosfera SO2 gazynyń shamamen 20 protsentin jutyp, ottegige aınaldyrady», - deıdi BMU sarapshysy Oksana Tarasova.
Mamandar álem elderin Klımat jónindegi Parıj kelisimin oryndaýǵa shaqyrýda. Qujatqa sáıkes, atmosferadaǵy kómirqyshqyl gazdyń kontsentratsııasyn azaıtý boıynsha birqatar shara qabyldanýy tıis.
