Sońǵy 8 jylda Tegeranǵa alǵash ret Frantsııadan jolaýshylar ushaǵy ushyp bardy
ASTANA. QazAqparat - Frantsııalyq Air France kompanııasy Tegeranǵa shamamen 10 jyl ishindegi alǵashqy reısin jasady. Bul Iran men álemdik derjavalar arasynda qol jetkizilgen ıadrolyq kelisimniń kúshine enýinen keıin múmkin boldy, dep habarlady Bı-bı-sı.
Iran men Frantsııa arasyndaǵy tikeleı reısterdiń ushýy 2008 jyly Tegerannyń ıadrolyq baǵdarlamasy saldarynan engizilgen sanktsııalarǵa baılanysty doǵaryldy.
Segiz jyldan keıin Tegeranǵa birinshi reıspen Frantsııanyń kólik mınıstri Alen Vıdalı men 15 frantsýz bıznesmeni attandy.
Áýe reısterin qalypqa keltirý buryn Frantsııada daý týdyrdy. Óıtkeni Air France bort serikterin Iranda jergilikti zańdarǵa sáıkes shashy men basyn jabýǵa shaqyrǵan.
Nátıjesinde avıakompanııa oramal taqqysy kelmeıtin stıýardessalarǵa Iranǵa baratyn reısterden bas tartýǵa ruqsat berdi.
14 shildede Venada Iran jáne "altylyq" (BUU Qaýipsizdik keńesiniń bes turaqty múshesi - AQSh, Frantsııa, Ulybrıtanııa, Qytaı jáne Reseı - jáne Germanııa) elderi Iran ıadrolyq baǵdarlamasy boıynsha kelisimge qol jetkizdi. Sóıtip, Tegeranǵa qarsy sanktsııalar alyndy. Tegeran óz menshigindegi ıadrolyq otynnyń 98% bas tartýǵa kelisti.
