Sońǵy 8 aıdyń ishinde 22 tonnadan astam esirtki zattary tárkilendi
ASTANA. Qyrkúıektiń 15-i. QazAqparat /Arman Asqarov/ - Aǵymdaǵy jyldyń 8 aıynda esirtki qylmysyna qatysty 6,5 myń oqıǵa anyqtalyp, 22 tonna 400 kılá esirtki zattary tárkilendi. Bul týraly búgingi baspasóz máslıhatynda QR Іshki ister mınıstrliginiń Esirtki bıznesine qarsy kúres komıtetiniń tóraǵasy Janat Súleımenov málim etti, dep habarlaıdy QazAqparat.
Komıtet tóraǵasy atap kórsetkendeı, tárkilengen esirtkiniń 22 kılási - geroın. Jalpy, anyqtalǵan esirtki zattarynyń qara naryqtaǵy baǵasy 2,5 mlrd. teńgeni qurap otyr. «Sondaı-aq sońǵy 8 aıdyń ishinde 5 uıymdasqan qylmystyq top jáne esirtki trafıginiń 84 arnasy joıyldy. Bul jumys jalǵasýda. Osy aıdyń ózinde 1 tonnaǵa jýyq esirtki zattary aınalymnan shyǵaryldy. Onyń 4 kılási - geroın», - dedi J.Súleımenov.
