Sońǵy 60 jyldyń ishinde alǵash ret Qaǵbanyń qulpy aýystyryldy
ASTANA. 4 jeltoqsan. QazAqparat - Mekke ámirshisi Haled ál-Feısal qasıetti Qaǵbanyń ishinen esikke Saýd Aravııasy koroliniń qarajaty esebinen taza altynnan jasalǵan jańa qulyp saldy.
Qulypty aýystyrýǵa baılanysty saltanatty sharaǵa Alla úıiniń qyzmetshileri qatysty. Olardyń arasynda Qaǵbanyń kilti qolyna tabys etilgen sheıh Abdýl Qadyr ash-Shaıbı de bar, dep habarlaıdy muslim.kz «Okaz» gazetiniń resmı saıtyna silteme jasap.
Ash-Shaıbıdiń sózine qaraǵanda, jańa qulyp esik syrtyndaǵy qulypqa uqsaıdy.
Sheıh Qaǵbanyń qulpy 60 jyldan asa ýaqyt aýystyrylmaǵanyn tilge tıek etti.
Qaǵbanyń qulpyn aýystyrý rásimi jylyna eki márte ótkiziletin qasıetti Alla úıin jýý dástúrimen tuspa-tus keldi. Qaǵbany mýharram aıynyń 15-inde bir jýsa, ekinshi ret shaǵban aıynyń alǵashqy kúni jýylady. Bul ýaqytta ál-Haram meshitinde kisi qarasy az bolatyndyqtan osy kúni jýý dástúrge aınalǵan.
«Men kiltti Qaǵbanyń kısýasyn daıyndaıtyn zaýytta qoldan shyqqan arnaıy sómkede saqtaımyn. Kilttiń joǵalǵan kezi bolǵan emes. Tarıhtan biletinimizdeı, ıslam halıfaty tusynda áldebir adam Qaǵbanyń kiltin urlamaq bolǵan eken, alaıda, kilt tabylyp, arty jaqsylyqpen aıaqtalǵan kórinedi», - dedi sheıh Abdýl Qadyr ash-Shaıbı.
