Sońǵy 5 jylda mashına jasaý salasyna 1 mlrd. eýrodan astam ınvestıtsııa tartyldy - Áset Isekeshev
«Bes jyl ishinde mashına jasaý salasynyń óndirisi 3 ese ulǵaıdy. Degenmen alda áli qyrýar jumys bar. Salanyń negizgi kapıtalyna tartylǵan ınvestıtsııa kólemi de ulǵaıdy. Eger 2008 jyly ınvestıtsııa kólemi shamamen 10 mlrd. teńge bolsa, byltyr bul kórsetkish 48 mlrd. teńgege jetti. Bul buǵan deıingi 4 jylda tartylǵan ınvestıtsııadan úsh jarym ese kóp. Sonymen qatar, óndiriletin ónimniń nomenklatýrasy da keńeıdi. Eger 2008 jyly elimizdegi mashına jasaý óndirisinde úsh negizgi sala bolǵan bolsa, 2012 jyly 6 segment jumys jasap turdy. Buryn sońdy shyǵarylmaǵan jańa taýarlar da shyǵaryla bastady», - dep atap ótti Á.Isekeshev.
Onyń aıtýynsha, sońǵy tórt jylda atalǵan salaǵa 70 joba engizildi. Jeke ınvestıtsııalar kólemi de buryn sońdy bolmaǵan deńgeıge kóterildi.
«Ásirese mańyzdysy, qarjylaı ınvestıtsııa ǵana emes, tehnologııalyq ınvestıtsııalar da quıyldy. Máselen «GeneralElectric», «Alstom», «Toyota», «Siemens» jáne basqa da kóptegen iri kompanııalar elimizge kele bastady», - dedi ol.
Onyń aıtýynsha, osy sharalardyń nátıjesinde kóptegen jańa shaǵyn salalar paıda boldy.
«Birinshi besjyldyq sheńberinde erekshe atap ótiletini - avtoónerkásip pen temir joldyq mashına jasaý salasy. Avtoónerkásiptiń úlesi 2013 jyldyń ózinde 2008 jylmen salystyrǵanda tórt ese ósti. Mashına jasaý salasynyń úlesi 18 paıyzdy qurady, buǵan deıin tek 4 paıyz bolǵan. Óndiris kólemi 2008 jylmen salystyrǵanda 12 ese kóterildi jáne de osy sala boıynsha avtokólik óndirýshiler nesıeler men lızıngter retinde memleketten 10 mlrd. teńgeden astam qarajatqa kómek aldy», - dedi mınıstr.
