Sońǵy 5 jylda Qyzylorda oblysynda 50-den astam óndiris orny iske qosyldy
QYZYLORDA. QazAqparat - Qyzylorda oblysynda 50-den astam óndiris iske qosylsa, onyń 16-sy - iri kásiporyn. Bul týraly halyqqa esep berý kezdesýinde oblys ákimi Qyrymbek Kósherbaev málim etti, dep habarlaıdy QazAqparat tilshisi.
«Memleket basshysy aıqyndap bergen jáne 2013 jyldan bastap biz aldymyzǵa qoıǵan basty mindet - bul ekonomıkany ındýstrııalandyrý arqyly ártaraptandyrý bolyp tabylady. Ónerkásip óndirisiniń shamamen 70%-y munaı men ýran óndirýdiń úlesinde ekenin, bul rette, keıbir munaı uńǵymalarynan shyqqan shıkizattyń qazirdiń ózinde 98%-y sýlanǵanyn eskersek, biz úshin bul - birden bir jol»,- dedi aımaq basshysy.
Oblys 2017 jyly bir ǵana kórsetkish boıynsha, ásirese, munaı óndirýde oń vektorǵa qol jetkize almaýyna sebep bolǵan osy faktor - ónerkásip óndirisiniń kólemi. Óńirdiń damý qarqynyn kórsetetin barlyq basqa makrokórsetkishter boıynsha oń dınamıkaǵa qol jetkizdi.
«Sońǵy bes jylda atqarǵan jumystar nátıjesinde munaı men ýran baǵasyna táýelsiz aımaqtyq ekonomıka qura aldyq dep tolyǵymen aıta alamyz.Osy bes jyl ishinde oblysymyzda 50-den astam ónerkásip nysan iske qosylsa, onyń 16-sy - iri jáne orta kásiporyn. Nátıjesinde, óńdeýshi sektorda osy kezeń ishinde óndirilgen ónim kólemi 65 paıyzǵa kóterilse, shıkizattyq emes sektordyń eksport kólemi tek sońǵy jyldyń ózinde 60 paıyzǵa artty»,- dep atap ótti oblys ákimi.
