Sońǵy 5 jylda Qazaqstanǵa ýaqytsha meken etý maqsatynda 8 mıllıonnan astam sheteldik keldi - QR ІІM
ASTANA. 20 qyrkúıek. QazAqparat - Búgin Astanada zańsyz kóshi-qonmen kúres máseleleri boıynsha UQShU-ǵa múshe memleketter quzyretti organdar basshylary úılestirý keńesiniń kezekti 13-shi otyrysy bastaldy.
«Álem ekonomıkasyndaǵy daǵdarystyq qubylystardyń jaǵdaıynda, sondaı-aq jumyssyzdyq deńgeıiniń artýy turǵysynda bizdiń elderge mıgranttar aǵynynyń tómendeýi týraly aıtý ázirge erte. Sonymen qatar halyqaralyq lańkestik qateri aıasynda kóshi-qon salasyndaǵy qadaǵalaýdyń mańyzdylyǵy men ózektiligi artyp otyr», - dedi QR Іshki ister mınıstriniń orynbasary Erlan Turǵumbaev.
Onyń sózine qaraǵanda, sońǵy 5 jylda Qazaqstanǵa ýaqytsha meken etý maqsatynda 8 mıllıonnan astam sheteldik keldi. Al bıyl ishki ister organdarynda 600 myńnan astam shetel azamaty tirkeldi. Atap aıtqanda kóshi-qon zańnamasyn buzǵany úshin 60 myńy jaýapqa tartyldy jáne 2 myńǵa jýyǵy el aýmaǵynan shyǵaryldy.
