Sońǵy 5 jylda Qazaqstanda esirtkige táýeldiler sany 10 paıyzǵa azaıdy
ASTANA. QazAqparat - Sońǵy 5 jylda Qazaqstanda esirtkige táýeldiler sany 10 paıyzǵa azaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Respýblıkalyq nashaqorlyqtyń medıtsınalyq-áleýmettik problemalary ǵylymı-tájirıbelik ortalyǵynyń dırektory Altynaı Esqalıeva málim etti.
«Búgingi kúndi bizdiń medıtsınalyq statıstıka derekterine sáıkes esirtki paıdalanatyn 35,5 myń adam tirkeýge alynǵan. Onyń 60 paıyzy esirtkini ınektsııa arqyly paıdalanady. Al esirtkini ınektsııa túrinde paıdalanýdyń densaýlyqqa zııany kóp ekenin jaqsy bilemiz. ıAǵnı, bul ókpe aýrýyna, JITS-qa, V, S gepatıtterine shaldyqtyrady», - dedi ol.
Onyń atap ótýinshe, sońǵy 5 jyldyń ishinde Qazaqstannyń narkologııalyq esebine alynǵan aýrýlar sany 10 paıyzǵa azaıǵan.
«Bizdińshe, mundaı nátıjege túrli baǵdarlamalardyń qolǵa alynyp, aldyn alý sharalarynyń kúsheıtilýi óz septigin tıgizip otyr», - dedi A.Esqalıeva.
