Sońǵy 5 jylda Qazaqstanda energııa tutyný kólemi 27%-ǵa artty
NUR-SULTAN. QazAqparat - Qazaqstandaǵy turǵyn úıler Eýropanyń damyǵan elderine qaraǵanda ortasha eseppen úsh ese kóp energııa tutynady, - dep habarlaıdy QazAqparat.
Bul derekti Elektr energetıkasyn damytý jáne energııa únemdeý ınstıtýtynyń mamandary málimdedi. Olar Halyqaralyq energetıka agenttiginiń deregine súıenip, sońǵy 5 jylda Qazaqstanda energııa tutyný kólemi 27%-ǵa artqanyn da jetkizdi.
«Barlyq faktorlar men táýekelderdi eskere otyryp, qazirdiń ózinde energııa resýrstarynyń tapshylyǵy týraly oılana bastaýymyz qajet», - deıdi ınstıtýt ókilderi.
