Sońǵy 5 jylda elektr energııasyn tutyný kólemi 27 paıyzǵa artty - Indýstrııa mınıstrligi
«Elektr energııasyn tutyný – azamattardyń ómir súrý deńgeıi men sapasyn aıqyndaıtyn mańyzdy ekonomıkalyq jáne áleýmettik kórsetkishtiń biri.
Halyqaralyq energetıkalyq agenttiktiń málimeti boıynsha, sońǵy 5 jylda elektr energııasyn tutyný kólemi 27 paıyzǵa artqan.
«Elektr energetıkasyn damytý jáne energııa únemdeý ınstıtýty» AQ ókilderiniń aıtýynsha, turmystyq sektorda energııa tutyný kórsetkishin tómendeýin toqtatý múmkin emes. Dese de onyń ósý qarqynyn báseńdetýge yqpal etýge bolady.
Mamandardyń paıymdaýynsha, azamattar energııany tutyný mádenıetiniń qarapaıym erejelerin saqtaýǵa daǵdylanǵany jón. Máselen, ınstıtýt mamandary jylýdy saqtaý úshin tereze jaqtaýlary men esik oıyqtaryndaǵy sańylaýlardy bekitip, kópkameraly shynyly paketteri bar terezelerdi ornatý qajet. Bul oraıda jylý radıatorlaryn aýystyrý men syrtqy qosymsha esik ornatýdyń da aıtarlyqtaı mańyzy bar. Energııa tıimdiligin arttyrý maqsatynda qyzdyrý shamdaryn energııa az jumsaıtyn shamdarǵa aýystyrý da únemdeýge óz septigin tıgizbek. Sondaı-aq «A»-dan tómen emes turmystyq aspaptar men tehnıkany paıdalanǵany abzal. Osy rette aıta keteıik, elektr plıtasy jylyna 1000 kVt* saǵ., tońazytqysh 400 kVt* saǵ., teledıdar 250 kVt* saǵ., kir jýǵysh mashınasy 200 kVt* saǵ. elektr energııasyn jumsaıdy»,-delingen habarlamda.
Elektr energetıkasyn damytý jáne energııa únemdeý ınstıtýty mamandarynyń pikirinshe, ómir súrý sapasyn tómendetpeı-aq elektr energııasyn tutynýdy 40-50 paıyzǵa deıin azaıtýǵa múmkindik bar. Eń bastysy – saýattylyq pen muqııattylyqta.