Sońǵy 5 jylda aýyldarda ekonomıkanyń negizgi kórsetkishterinen oń dınamıka baıqalady
«Aýyldyq jerlerdegi ómir súrý deńgeıin arttyrý maqsatynda Ulttyq ekonomıka mınıstrligi aýyldyq aýmaqtardy damytý boıynsha belsendi jumystar júrgizýde. Búgingi kúni aýyl halqynyń sany 7,7 mln adamdy nemese elimiz boıynsha halqymyzdyń jalpy sanynyń 41 paıyzyn qurady. Jumyspen qamtylǵan aýyl halqynyń qurylymynda aýyl sharýashylyǵy eń úlken úlesti quraıdy. Bul - 28,2 paıyz. Jalpy sońǵy 5 jylda ekonomıkanyń negizgi kórsetkishteri boıynsha oń dınamıka baıqalady», - dedi ol.
Onyń atap ótýinshe, aýyldarda ómir súrý deńgeıin odan ári arttyrý úshin mınıstrlik «Aýyl – el besigi» jobasyn iske asyrý boıynsha josparly jumystar júrgizýde. Jobanyń maqsaty - ınfraqurylymdardy jańǵyrtý esebinen jáne ony jańa óńirlik standarttar parametrlerine deıin jetkize otyryp,aýyl turǵyndarynyń ómir súrý sapasyn jaqsartý.
«Atalǵan maqsatqa jetý áleýmettik jáne ınjenerlik ınfraqurylymdardy damytý, aýyl turǵyndarynyń áleýmettik ıgilikterge qol jetimdiligin qamtamasyz etý boıynsha mindetterdi iske asyrý esebinen, sondaı-aq qolaıly ómir súrý ortasyn qalyptastyrý arqyly júzege asyrylady», - dedi ol.
