Sońǵy 5 jylda 609 polıtseı qyzmettik boryshyn óteý barysynda qaza tapty - Q.Qasymov
ASTANA. 28 mamyr. QazAqparat - Jyldan jylǵa qyzmettik boryshyn óteý barysynda qaza tabatyn jáne jaraqat alatyn polıtseıler qatary artyp otyr. Bul týraly búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda QR Іshki ister mınıstri Qalmuhanbet Qasymov málim etti.
Onyń atap ótýinshe, azamattardyń konstıtýtsııalyq quqyqtary men bostandyqtaryn qorǵaý problemasyn sheshýmen qatar ishki ister organdary qyzmetkerlerin áleýmettik qorǵaý máselesi de barynsha ózekti bolyp otyr. «Sońǵy 5 jyl ishinde qyzmetkerlerge til tıgizý, polıtseılerge qarsylyq tanytý jáne baǵynbaýdyń shamamen 8,5 myń oqıǵasy tirkelip otyr. Jyldan jylǵa qyzmettik boryshyn óteý barysynda qaza tapqan jáne jaraqattanǵan qyzmetkerlerdiń sany ósýde. Máselen, 2007 jyldan beri 609 qyzmetker qaza taýyp, 672-si jaraqat aldy», - dedi ol.
Mınıstrdiń paıymynsha, mundaı statıstıkalyq derek Іshki ister mınıstrligi tarapynan alańdaýshylyq týyndatady ári bul polıtseılerdi áleýmettik qorǵaý qajettiligin kórsetedi.
