Sońǵy 3 jylda teńge eń turaqty valıýta bolyp otyr - QR Ulttyq bank tóraǵasy
ALMATY. 14 aqpan. QazAqparat - 2009 jyldyń aqpany men 2012 jyldyń aqpany aralyǵynda teńge eń turaqty valıýta boldy.
Ulttyq bank Basqarma tóraǵasy Grıgorıı Marchenkonyń búgin Almatyda ótkizgen baspasóz máslıhatynda osylaı aıtty.
«Valıýtalar aıyrbastaý baǵamynda AQSh dollaryna shaqqanda teńgeniń qubylmalyǵy tómen boldy. Ol 2,3 paıyzdy qurady. Bul Avstralııa dollarynda - 17,8 paıyz, Kanada dollarynda - 13,8, rýblde - 13,4 paıyz, eýroda -13,2 paıyzdy, ıende 12,8 paıyzdy qurady»,- deıdi G. Marchenko. Onyń aıtýynsha, bul elderdiń bári jetkilikti deńgeıde shıkizat baǵasyna táýeldi. Ulttyq bank 2009 jyly aqpanda teńgeniń bir sátti devalvatsııasyn júrgizdi. Bul shara valıýta naryǵyndaǵy ahýaldy aıtarlyqtaı turaqtandyrýǵa, otandyq óndirýshilerdiń básekege qabilettigin qoldaýǵa, eldiń tólem balansynyń jaı-kúıin jaqsartýǵa jáne altynvalıýta rezervterin saqtaýǵa múmkindik berdi.
