Sońǵy 3 jylda Qazaqstandaǵy ınnovatsııalyq belsendilik eki ese artty

ASTANA. 27 mamyr. QazAqparat - Sońǵy 3 jylda Qazaqstandaǵy ınnovatsııalyq belsendilik eki ese artty. Bul týraly búgin elordadan óńirlerge «Innovatsııalyq forsaj» belgisi bar avtobýstyń jolǵa shyǵýyna arnalǵan shara barysynda QR Indýstrııa jáne jańa tehnologııalar vıtse-mınıstri Qýanysh Tileýshın málim etti.

Innovatsııalyq bıznes-josparlarǵa arnalǵan respýblıkalyq NIF$50K baıqaýy jyl saıyn ótkizilip kele jatqandyǵyn atap ótken ol: «Osy baıqaý úsh baǵytty kózdeıdi. Birinshiden - ınnovatsııalyq belsendilikti arttyrý. Ekinshiden - jalpy ınnovatsııalyq jobalarǵa qoldaý kórsetý. Úshinshiden - bıznes josparlaý boıynsha ınnovatorlardy oqytý», - dedi.

Onyń atap ótýinshe, memleket osy ýaqytqa deıin 520 naqty jobaǵa qoldaý kórsetken. ıAǵnı, NIF$50K baıqaýy elimizdiń ınnovatsııalyq damýyna qosymsha serpin berip otyr degen sóz.

«Bizde ınnovatsııalyq salada zor jetistikter bar. Shyǵarylatyn ınnovatsııalyq ónimder kólemi artyp keledi. Munyń barlyǵy bizdiń durys baǵytta jyljyp kele jatqandyǵymyzdy bildiredi», - dedi ol.

Búgin elordadan óńirlerge «Innovatsııalyq forsaj» belgisi bar avtobýs jolǵa shyqty. Eń birinshi Qostanaı qalasynda baratyn avtobýs odan keıin Petropavl, Kókshetaý, Qaraǵandy, Pavlodar, Óskemen, Taldyqorǵan, Almaty, Taraz, Shymkent, Qyzylorda, Aqtóbe, Oral, Atyraý, Aqtaý qalalaryna atbasyn tireıdi. Avtobýs bıyl ekinshi ret aımaqtarǵa bet alyp otyr. Byltyr ınnovatsııalyq avtobýstyń óńirlerdi aralaýy baıqaýǵa ótinish berýshiler sanyn 1,5 ese arttyrǵan bolatyn.