Sońǵy 3 jylda 110 myńnan astam qazaqstandyq kólik júrgizý quqyǵynan aıryldy
NUR-SULTAN. QazAqparat – Sońǵy 3 jylda 110 myńnan astam qazaqstandyq kólik júrgizý quqyǵynan aıryldy. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
«Búginde patrýldik polıtsııanyń saptyq bólimshelerinde shamamen 9 myń planshet bar. Ol ishki ister organdarynyń bazasyna, Bas prokýratýranyń «Ákimshilik óndiristerdiń biryńǵaı tizilimi» júıesine qosylǵan. Jol júrisin qadaǵalaıtyn árbir qyzmetker osyndaı planshettermen qamtamasyz etilgen. Osyǵan oraı jol qozǵalysyn qadaǵalaý barysynda júrgizýshi kýáligi berilgenin jáne kóliktiń tirkelgendigin tekserý atalǵan planshetter arqyly júzege asyrylady», - dedi ol.
Onyń atap ótýinshe, qazirgi ýaqytta planshet kómegimen júrgizýshiniń kim ekendigin, júrgishýi kýáliginiń bar-joǵyn, jaramdylyq merzimin, kólk quraly týraly málimetterdi tekserýge bolady.
«Patýrldik polıtsııa júrgizýshi kýliginiń jaramdylyq merzimin tekseredi. Bizde júrgizýshi kýáligi 10 jylǵa beriledi. Sonymen qatar júrgizýshiniń kólik júrgizý quqyǵynan aıyrylǵany ne aıyrylmaǵyndyǵy jáne krımınaldyq esepte bar-joǵy tekseriledi. Sońǵy 3 jylda 110 myńnan astam júrgizýshi ákimshilik jáne qylmystyq quqyq buzýshylyq boıynsha kólik júrgizý quqyǵynan aıyrylǵan», - dedi Serik Túsipov.
