Sońǵy 2 jylda elimizge 2 mln.-nan astam sheteldikter kelgen - ІІM
ASTANA. 13 qarasha. QazAqparat - Sońǵy 2 jylda elimizge 2 mln.-nan astam sheteldikter kelgen. Bul týraly búgin Parlament Májilisinde «Qazaqstan Respýblıkasynyń keıbir zańnamalyq aktilerine eńbek kóshi-qony máseleleri boıynsha ózgerister men tolyqtyrýlar engizý týraly» zań jobasynyń tanystyrylymy barysynda Іshki ister mınıstriniń orynbasary Qaırat Tynybekov málim etti.
Mınıstr orynbasarynyń aıtýynsha, zań jobasynyń maqsaty eńbek mıgranttarynyń jekelegen sanattaryn eńbekke tartý tártibin zańdastyra otyryp, kóship kelýshilerdiń jeke tulǵalarǵa jumys istegeni úshin jeke tabys salyǵyn tóleýdi retteý bolyp tabylady.
«Ortalyq Azııa óńirinen elimizge aǵylyp kelip jatqan eńbek mıgranttaryn jeke tulǵalardyń zańsyz jumysqa tartýyn aıqyndaý asa qıyn. Bul rette ondaı kóship-qonýshylar elimizge kirerde Qazaqstanǵa jeke isteri nemese jeke maqsaty boıynsha kelgenin kórsetedi. Sosyn ózderi múldem turmaıtyn meken jaılardy belgileıdi. Máselen, tek sońǵy 2 jylda elimizde 2 mln. astam sheteldikter kelgeni tirkelgen. Solardyń 1 mln.-nan astamy Ózbekstan, Qyrǵyzstan, Tájikstan azamatary bolyp tabylady. Alaıda, solardyń 1 paıyzynan da tómeni ózderiniń bizdiń elimizge eńbek qyzmetin júzege asyrý úshin kelgenin kórsetse, 96 paıyzy kelý sebepteri retinde jeke maqsattaryn kórsetken», - deıdi Q. Tynybekov.
