Sońǵy 2 jyl ishinde travmatıkalyq qarý qoldaný arqyly jasalǵan qylmystar sany eki esege artty - Іshki ister mınıstrligi
ASTANA. 8 mamyr. QazAqparat - Sońǵy 2 jyl ishinde travmatıkalyq qarý qoldaný arqyly jasalǵan qylmystar sany 2 esege artty. 2010 jylǵy 133-ten 2012 jyly 302-ge deıin jetti. Bul týraly búgin QR ІІM baspasóz qyzmetiniń málimetterinde habarlandy.
Aǵymdaǵy jylǵy birinshi toqsannyń ózinde respýblıka boıynsha travmatıkalyq qarý qoldaný arqyly jasalǵan 106 qylmys tirkelgen bolatyn. Onyń ishinde 3 adam ólimi, 20 qaraqshylyq shabýyly, 77 buzaqylyq, sondaı-aq bopsalaý, densaýlyqqa aýyr jáne ortasha qasaqana zııan keltirý faktileri bar.
