Sońǵy 13 jylda elordanyń jalpy óńirlik ónimi 50 eseden astamǵa ósti
ASTANA. 11 qańtar. QazAqparat - Sońǵy 13 jylda elrdadaǵy jalpy óńirlik ónim 50 eseden astamǵa ósti. Respýblıkalyq JІÓ-degi úlestik salmaǵy boıynsha Astana tórtinshi oryn alady,
dep habarlady pm.kz saıty.
1997 jyldan beri ónerkásip óndirisiniń kólemi 15,2 mlrd. teńgeden 2010 jyldyń qorytyndysy boıynsha 111,3 mlrd. teńgege deıin ulǵaıdy.
ÚIID baǵdarlamasy boıynsha ındýstrııalyq parkte «Talgo» jolaýshylar vagondaryn shyǵaratyn zaýyttyń qurylysy, metall konstrýktsııalar men jıhaz shyǵaratyn zaýyt qurylysy, sondaı-aq kókónis qoımasy men logıstıkalyq keshen qurylysy jobalary júzege asyrylýda. 1997 jyldan bastap negizgi kapıtalǵa salynǵan ınvestıtsııa kólemi 21 esege - 19,3 mlrd. teńgeden 2010 jylǵy 396,6 mlrd. teńge kórsetkishke deıin ósti.
Qazir elordada shaǵyn kásipkerliktiń 26,9 myńnan astam sýbekti jumys isteıdi, al ekonomıkanyń naqty sektorynda jumyspen qamtylǵandardyń sany birneshe ese ósip, 137 myńnan astam adamǵa jetip otyr.
Elordanyń qarqyndy damýy men keshendi qurylysqa qomaqty ınvestıtsııalar tartýdyń arqasynda Astanada turǵyn úı qurylysynyń joǵary qarqyny qamtamasyz etilýde. 1997 jyldan bergi aralyqta paıdalanýǵa berilgen turǵyn úı sany 20 eseden astamǵa artty, onyń ishinde sońǵy úsh jylda jyl saıyn 1,5 mln. sharshy metrge deıin turǵyn úı iske qosyldy.
Osy aralyqta elordada aýqymdy qurylystar júrgizildi: eski qalada úlken jańartý jumystary júzege asyrylsa, sol jaǵalaýda jańa ákimshilik ortalyq paıda boldy.
