Sońǵy 12 saǵatta Túrkııa men Qazaqstan arasynda 10 áýereısi qatynap úlgerdi
ASTANA. QazAqparat - Astana men Almatynyń halyqaralyq áýejaılarynyń áýetizimi boıynsha, sońǵy 12 saǵatta Túrkııa men Qazaqstan arasynda 10 áýereısi ushyryldy.
QR IDM Azamattyq avıatsııa komıteti habarlaǵanyndaı, qazaqstandyq áýekompanııalar óz jumystaryn shatattyq rejımde júrgizýde. Túrik áýejetkizýshileri boıynsha aqparatty aldyn ala anyqtap alǵan jón, sebebi reıstiń keshiktirilýi múmkin.
«Ushyryldy» degen statýspen búgin, 17 shildede Almatydan Stambulǵa 05.05, 06.15, 06.45 jáne 10.00, Antalııaǵa - 09:40 ýaqytta tirkeldi. Stambuldan Almaty áýejaıyna ushaqtar búgin 04.45, 05.30, 05.50, 06.59, 09.34 ýaqytta kelip qondy. Búgin Almaty áýejaıynan Stambulǵa 17.55-de reıs oryndalady dep kútilýde. Erteń Almatydan Stambulǵa 06.45-te, Antalııaǵa 04.00, 09.40-ta áýereıisteri ushyrylmaq.
Stambuldan Almatyǵa baǵyt alatyn reıster búgin, 17 shildede 12.10-de, 18 shildede - 05.25, 06.05 saǵatta oryn almaq. Búgin Antalııadan 21.45-te, 18 shildede - 03.05-te ushaq josparlanǵan.
Astana áýejaıynda búgin 18.20-da Antalııadan ushaq kelýi tıis. Erteń 1.50 saǵatta taǵy bir reıs qonady. Sonymen qatar, Astanadan Túrkııaǵa búgin 19:40-ta, erteń tańǵy saǵat 3.05-te eki reıs qatynaıdy dep josparlanǵan.
