Sońǵy 10 jyldyń ishinde munaı baǵalary úsh eseden joǵary ósken - U. Qarabalın

ASTANA. 17 qyrkúıek. QazAqparat - Qazaqstanda jeńil óndiriletin munaı kezeńi aıaqtalýǵa jaqyn. Bul týraly búgin Úkimet otyrysynda QR Munaı jáne gaz mınıstri Uzaqbaı Qarabalın atap ótti.

«Qazaqstanda jeńil óndiriletin munaı kezeńi aıaqtalýǵa jaqyn. Ken oryndaryn izdestirý men ıgerýdiń búgingi úderisi belgili jaǵdaılardyń kúrdelenýine, barlyq shyǵys túrleriniń ósýine baılanysty bolyp otyr», - dedi mınıstr.

Onyń atap ótýinshe, jalpy alǵanda álemdik munaı baǵalary ósýge beıim. Sońǵy 10 jyldyń ishinde munaı baǵalary úsh eseden joǵary ósken. Álemdik retssessııa bastalǵan 2008 jyldan beri eki esege artqan.

«Bul úderister munaı ónimderi men munaı hımııasynyń qunyna áserin tıgizip otyr», - dedi U. Qarabalın.