Sońǵy 10 jyldaǵy eń úlken jalpyeýropalyq manıfestatsııa 100 myńdaı adamnyń basyn qosty - Brıýssel
BRıÝSSELЬ. Qyrkúıektiń 30-y. QazAqparat /Dımash Syzdyqov/ - Eýroodaqtyń ákimshilik ortalyǵy - Brıýsselde sársenbi kúni manıfestatsııa ótti. Qatań ekonomıka sharalaryna qarsy ótkizilgen sońǵy 10 jyldaǵy eń iri jalpyeýropalyq manıfestatsııa Eýropanyń barlyq óńirinen 100 myńdaı adamnyń basyn qosty,
dep habarlaıdy jergilikti buqaralyq aqparat quraldary.
Mıtıngke qatysýshylar Eýroodaq elderi úkimetteriniń qarjylyq-ekonomıkalyq daǵdarysty eńserý jónindegi sharalaryna narazylyq bildirýde. Eýroodaqtyń kóptegen elderiniń úkimetteri kún sanap ósip bara jatqan bıýdjettiń defıtsıti men memlekettiń bereshekterin azaıtý maqsatynda jalaqy men zeınetaqyny, memlekettik sektordaǵy jumys oryndaryn qysqartýǵa májbúr bolýda.
Sharany uıymdastyryp otyrǵan eýropalyq kásipodaqtar konfederatsııasy ókilderiniń pikirinshe, jahandyq qarjy daǵdarysynyń saldaryn eńserý jónindegi Eýroodaq elderiniń úkimetteri qabyldap jatqan sharalar jumyssyzdyqtyń ósýine ákelýde jáne ekonomıkanyń ósýine teris áser etýde.
Osyǵan baılanysty, kásipodaqtar ulttyq úkimetterden qarjy operatsııalaryna salyq engizýdi jáne jumysshylardyń jalaqylaryn ýaqytsha toqtatý josparynan bas tartýdy talap etýde.
Osyndaı narazylyq aktsııalary keshe sondaı-aq, Ispanııa, Portýgalııa, Italııa, Polsha, Frantsııa, Latvııa jáne Irlandııa elderinde ótti.
