Sońǵy 10 jylda áleýmettik jaǵynan az qamtylǵan qazaqstandyqtar sany 8 esege azaıdy

ASTANA. 13 jeltoqsan. QazAqparat - Sońǵy 10 jylda, ıaǵnı Memlekettik ataýly kómek týraly Zańy qabyldanǵannan beri áleýmettik jaǵynan az qamtylǵan qazaqstandyqtar sany 8 esege azaıdy. Bul týraly búgin «Nur Otan» HDP-nyń áleýmettik az qamtylǵan halyqtyń bóligin qoldaý boıynsha tuǵyrnamasynyń baǵyty turǵysyndaǵy sarapshylyq toptyń otyrysynda QR Eńbek jáne halyqty áleýmettik qorǵaý mınıstrliginiń Halyqty áleýmettik qorǵaý departamentiniń basshysy Sholpan Jaqytova aıtty.

«8 eseden astam kórsetkishke az qamtylǵan azamattar sany tómendedi. Eger de 2002 jyly olardyń sany 1,1 mln. adam bolsa, qazirgi kezde 139 myńǵa deıin azaıdy»,-dedi ol.

Departament basshysynyń aıtýynsha, osynyń esebinen ataýly kómekke baǵyttalatyn shyǵystar 3,6 esege tómendedi. Máselen, 2002 jyly bul maqsattarǵa 9 mlrd. teńgege jýyq qarjy jumsalǵan bolsa, al 2012 jyly bul soma 2,5 mlrd. teńgege deıin azaıdy.