Sońǵy 10 jyl ishinde joǵary bilimdi qazaqstandyqtardyqtardyń sany 3 eseden astam ósti

Bul týraly búgin Memleket basshysynyń jastar saıasaty máseleleri boıynsha bergen tapsyrmalaryn iske asyrý turǵysynda bolǵan Úkimet otyrysynda sóılegen sózinde  Bilim jáne ǵylym mınıstri Baqytjan Jumaǵulov málim etti. «Sońǵy 10 jylda arnaýly orta bilim bar qazaqstandyqtardyń sany 40 paıyzǵa, joǵary bilimi barlar 3 eseden artyq ósti. Sany jaǵynan, bul álemdik úrdiske saı keledi. Joǵary bilim boıynsha bul kórsetkish tipti asyp túsedi», - dep atap ótti mınıstr. Onyń paıymdaýynsha, qazirgi ýaqytta eń basty másele - bilimniń sapasy, jáne oǵan degen suranystyń bolýy. «Elbasynyń osy tapsyrmalaryn oryndaý úshin kásiptik bilim júıesi jumys berýshiler men eńbek naryǵy talaptaryna saı kelýi qajet. Tehnıkalyq jáne kásiptik bilim júıesinde sońǵy 2-3 jyl ishinde osy baǵyt boıynsha jaqsy nátıjeelerge qol jetkizildi. Oǵan bólingen qarjy 3 esege ósti», - dep túıdi B. Jumaǵulov.