Sońǵy 10 jyl ishinde elimizde 32 myń 450 bala asyrap alyndy - J. Túımebaev
ASTANA. Qańtardyń 27-si. QazAqparat /Qanat Mámetqazyuly/ - Sońǵy 10 jyl ishinde elimizde 32 myń 450 bala asyrap alyndy.
Bul týraly búgin QR Parlamenti Májilisiniń jalpy otyrysynda «Qazaqstan Respýblıkasynyń balalardy qorǵaý jáne balany sheteldik asyrap alýǵa qatysty yntymaqtastyq týraly konventsııaǵa qosylýy jáne ratıfıkatsııalaýy týraly» zań jobasyn talqylaý barysynda QR Bilim jáne ǵylym mınıstri Janseıit Túımebaev málim etti, dep habarlaıdy QazAqparat.
«Sońǵy 10 jyl ishinde elimizde 32 myń 450 bala asyrap alyndy. Onyń ishinde ózimizdiń qazaqstandyq azamattar 28 myńnan astam balany asyrap aldy. Bul kórsetkish sońǵy on jylda asyrap alynǵan barlyq balanyń 77 paıyzyn quraıdy. Sonymen birge, balanyń sheteldik týysqandary 500-ge jýyq sábıdi nemese barlyq asyrap alynǵan balanyń 1,2 paıyzyn baýyryna bassa, sheteldik azamattar tarapynan qazaqstandyq 8 myńnan astam bala asyrap alynǵan. Bul barlyq asyrap alynǵan balanyń 21,8 paıyzyn quraıdy», dedi mınıstr. Bul 1999 jyldan beri qaraıǵy kórsetkishter bolyp otyr. Al odan burynǵy kezeńder boıynsha resmı esepter júrgizilmegen.
