Sońǵy 1,5 jylda elimizde 7 kolonııa jabyldy
ASTANA. QazAqparat - Sońǵy 1,5 jylda elimizde sottalǵandardyń sanynyń azaıýyna baılanysty 7 kolonııa jabyldy. Bul týraly QR ІІM Memlekettik til jáne aqparat departamentiniń dırektory Almas Sadýbaev aıtty, dep habarlaıdy QazAqparat.
«Qazirgi tańda Qazaqstan qylmystyq zańnamany izgilendirip, qoǵamnan oqshaý jazalaryn azaıtý baǵytyn ustanyp keledi. Osynyń arqasynda elimizdegi sottalýshylardyń sany edáýir azaıdy. Mysaly, 2011 jyly 57 myń bas bostandyǵynan aıyrylǵan adam bolsa, qazirgi tańda olardyń sany - 35 500»,- dedi ol.
Departament basshysynyń dereginshe, osydan 15 jyl buryn Qazaqstan sottalǵandardyń sany jaǵynan álemdik reıtıngte AQSh pen Reseıden keıin úshinshi orynda bolatyn. Qazirgi tańda 68-shi orynda tur.
«Túrme turǵyndarynyń» azaıýyna baılanysty Іshki ister mınıstrliginiń basshylyǵy kommýnaldyq-turmystyq jaǵdaıy tómen keıbir qylmystyq-atqarý mekemelerin jabý týraly sheshim qabyldaǵan bolatyn. Osyǵan oraı sońǵy 1,5 jylda elimizde 7 kolonııa jabyldy», - dedi Almas Sadýbaev.
