Sońǵy jyldary stýdentterge arnalǵan qansha jataqhana salyndy
ASTANA. KAZINFORM – Premer-mınıstr Oljas Bektenov QR Parlamenti Májilisi depýtattarynyń 19 maýsymdaǵy depýtattyq saýalyna bergen jaýabynda elimizde sońǵy birneshe jylda qansha jataqhana salynǵanyn málimdedi.
– Memleket basshysynyń tapsyrmasyna sáıkes 2018 – 2025 jyldar
kezeńinde 72 125 oryndyq 281 jataqhana salyndy (rekonstrýktsııalandy) jáne paıdalanýǵa berildi, onyń ishinde JOO stýdentteri úshin – 51 323 oryndyq 182 jataqhana, kolledj stýdentteri úshin – 20 802 oryndyq 99 jataqhana. Jumys memlekettik jáne jeke qarjylandyrý kózderin, memlekettik jekeshelik áriptestikti tartý arqyly, onyń ishinde memlekettik tapsyrysty ornalastyrý tetigin iske asyrý arqyly júrgiziledi, – delingen jaýapta.
Úkimet basshysynyń málimdeýinshe, 2018 jyly jataqhana tapshylyǵy 61,4 myń oryn bolǵan. Al joǵaryda atalǵan jumystardyń arqasynda bul kórsetkish 83,6 %-ǵa qysqardy.
– Nátıjesinde Oryndardyń boljamdy tapshylyǵyn anyqtaý boıynsha ádistemelik usynymdarǵa sáıkes 2026 jyldyń basynda oryn tapshylyǵy 10,1 myń oryndy qurady (joǵary oqý oryndarynda 5 176 oryn jáne kolledjderde 4,9 myń oryn). Bul rette Joǵary aýdıtorlyq palatanyń nusqamasyn pysyqtaý barysynda 33 myń oryn tapshylyǵy boıynsha derekter rastalǵan joq, – dep málimdedi Oljas Bektenov.
Aıta keteıik, buǵan deıin Atyraýda 800 oryndyq jataqhananyń jobalaý jumysy nege uzaqqa sozylǵanyn jazǵanbyz.
