Sońǵy úsh jyldyń ishinde elimizde 57 mıllıon sharshy metr turǵyn úı salyndy – Prezıdent
ASTANA. KAZINFORM – Turǵyn úı qurylysy da turaqty ári qarqyndy damyp keledi. Bul týraly Prezıdent máslıhat depýtattarynyń ІІІ respýblıkalyq forýmynda aıtty.
— Sońǵy úsh jyldyń ishinde elimizde 57 mıllıon sharshy metr turǵyn úı salyndy. Basqa irgeles eldermen salystyrsaq, bul, rasynda, jan basyna shaqqanda eń joǵary qurylys aýqymy. Qaladaǵy 520 myńnan astam, al aýyldaǵy 70 myńǵa jýyq otbasy baspanaly boldy, — dedi ol.
Prezıdenttiń aıtýynsha áleýmettik ınfraqurylym da damyp jatyr.
— Sońǵy jyldary myńdaǵan zamanaýı mektep jáne medıtsına, mádenıet, sport nysandary salynyp, kúrdeli jóndeýden ótti.
Shyn máninde, qazirgi tańda elimiz úlken bir qurylys alańyna aınaldy deýge bolady. Qaı jaqqa qarasańyz da qurylys, jóndeý jumystary júrip jatyr. Muny aımaqtarǵa jıi baratyn, elimizdi jıi aralaıtyn azamattar kórip, bilip júr, — dedi Prezıdent.
Aıta ketelik Kókshetaý, Semeı jáne Óskemende jańa jylý elektr ortalyqtary salynady.
