Sońǵy úsh jylda medıtsına salasyna bólingen qarjy 1,1 trln-nan 2,8 trln teńgege deıin ósti

ASTANA. KAZINFORM - Sońǵy úsh jyldyń ishinde elimizde medıtsınalyq kómekti qarjylandyrýdyń ósýi – aǵymdaǵy jyly 1,1 trln teńgeden 2,8 trln teńgege deıin halyqqa kórsetiletin medıtsınalyq qyzmetterdiń kólemin aıtarlyqtaı arttyrýǵa múmkindik berdi.

MÁMS engizý nátıjesinde JІÓ-niń jalpy kólemindegi densaýlyq saqtaý shyǵystarynyń úlesi 2018 jylǵy 2,8%-dan 2022 jyly 3,7%-ǵa deıin ulǵaıdy.

«MÁMS qarajatynyń esebinen elimizdiń bir turǵynynyń densaýlyǵyna arnalǵan shyǵystardy 56 myń teńgeden 122 myń teńgege deıin ulǵaıtýǵa múmkindik týdy.

Máselen, medıtsınalyq kómek bólinisinde qaraıtyn bolsaq, onda kúndizgi statsıonarlardy eki ese qarjylandyrýdyń arqasynda ótken jyly patsıentter memlekettik jáne jeke klınıkalarda 920 myńnan astam statsıonardy almastyratyn qyzmetti ala aldy», — dep jazdy Densaýlyq saqtaý mınıstrliginen.

Joǵary tehnologııalyq medıtsınalyq kómekti qarjylandyrýdyń ósýi qazaqstandyqtar úshin 2023 jyly kúrdeli qymbat operatsııalardyń qoljetimdiligin 2,5 esege arttyrýǵa múmkindik berdi.

Medıtsınalyq saqtandyrý qarajatynyń esebinen patsıentterge júrek-qan tamyrlary, nevrologııalyq, onkologııalyq aýrýlar men jaraqattar kezinde medıtsınalyq ońaltý qoljetimdi boldy, ol buryn is júzinde kórsetilmeıtin.

«MÁMS baǵdarlamasy boıynsha jumys isteıtin medıtsınalyq qyzmetti kórsetýshilerdiń sany eki ese ósti, qazir olardyń sany 2000-ǵa jýyq, olardyń jartysyna jýyǵy jeke uıymdar.

Jalpy JІÓ-niń jalpy kólemindegi densaýlyq saqtaý shyǵystarynyń úlesi 2019 jylǵy 2,8%-dan 2022 jyly 3,7%-ǵa deıin ósti. Memleket basshysy bul úlesti 2027 jylǵa qaraı JІÓ-niń 5%-na deıin ulǵaıtý maqsatyn qoıdy.

Halyqtyń medıtsınalyq qyzmetterge aqy tóleýge arnalǵan qalta shyǵystarynyń úlesi, kerisinshe, 2018 jylǵy 34%-dan 2022 jyly 31%-ǵa deıin tómendedi», — dep túsindirdi vedomstvodan.