Sońǵy táýlikte Oral tusynda Jaıyq ózenindegi sý deńgeıi 95 santımetrge kóterildi

ORAL. KAZINFORM — Batys Qazaqstan oblysynda birqatar ózende sý deńgeıi kóterilse, keıbireýinde tómendedi.

«Qazgıdromet» RMK BQO fılıalynyń dırektory Tilegen Shapanovtyń málim etkenindeı, 29 naýryz kúngi tańǵy saǵat 08.00-degi málimet boıynsha Jaıyq ózenindegi sý deńgeıi Oral qalasyndaǵy gıdrobekette sońǵy táýlikte 95 santımetrge kóterilip, 229 santımetrge (qaýipti shegi — 850 sm) jetti.

Bórli aýdany Jarsýat aýyly tusynda 343 (+35, qaýipti shegi — 1 myń sm), Aqjaıyq aýdany Mergende 350 (+29, 850 sm) santımetr bolsa, esesine Báıterek aýdany ıAnvartsev eldi mekeninde Jaıyqtyń qarqyny báseńdegen (-65, 215 sm).

Posmotret etý pýblıkatsııý v Instagram

Pýblıkatsııa ot Anatoliy Logashkin (@trailblazer_uralsk)

— Jaıyqtyń salasy Shaǵan ózeninde sý deńgeıi áli kóterilý ústinde. Atap aıtqanda, Báıterek aýdany Chývashın aýylynda 710 (+69, qaýipti shegi — 1 300 sm), Mıchýrınde 454 (+110, 1 100 sm) santımetrdi kórsetti. Al Derkól ózeniniń Tasqala aýyly tusynda aryny qaıtqan, — dedi T.Shapanov.

Eske sala keteıik, budan buryn BQO-da Shaǵan jáne Derkól ózenderinde sý deńgeıi kóterilip jatqanyn jazǵan edik.

Sondaı-aq BQO-da Bykovka ózenindegi sý deńgeıi bir táýlikte 110 santımetrge kóterildi.