Sońǵy saýalnama halyqtyń 60 paıyzy AES-ti qoldaıtynyn kórsetti - Alýa Joldybalına
ALMATY. KAZINFORM - Almatyda «KISI GPS: Gylym. Pikir. Sayasat» Ulttyq saraptamalyq alańynda «Qazaqstan jáne beıbit atom: jańa múmkindikter men damý basymdyqtary» taqyrybynda otyrys ótti.
Іs-shara QR Prezıdenti janyndaǵy Qazaqstannyń strategııalyq zertteýler ınstıtýty men QR Prezıdenti janyndaǵy Qazaqstan Respýblıkasynyń Ulttyq ǵylym akademııasynyń birlesken bastamasymen uıymdastyryldy.
Іs-sharaǵa ıadrolyq fızıka, ıadrolyq tehnologııalar qaýipsizdigi, atom energetıkasy jáne ónerkásip salasyndaǵy jetekshi qazaqstandyq ǵalymdar men sarapshylar qatysty. Jıyn barysynda energetıkadaǵy ınnovatsııalar, atom tehnologııalary jáne atom energetıkasynyń qaýipsizdik máseleleri, álemdegi atom energetıkasynyń damýy syndy taqyryptar talqylandy.
- «Nelikten referendým ótkizý mańyzdy» degen suraqtar týyndap turady. Sheteldik tájirıbege nazar aýdarsaq, eń jıi referendým ótetin memleketterdiń biri - Shveıtsarııa. 200 jyl ishinde 149 ret referendým ótken. Taıaý Shyǵysta 93 ret, Azııada 30-ǵa jýyq referendým bolǵan. ıAǵnı, búginde kóptegen memleketterde bir jaǵynan úkimetke óziniń qoǵamdyq mandatyn alýǵa, ekinshi jaǵynan halyqty saıası protsesske belsendi qatystyrýǵa múmkindik beretin qural retinde referendým qoldanylady. Al elimizdiń tarıhynda 4-shi referendým bolady, - dedi QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Alýa Joldybalına.
Sondaı-aq, QSZI ókili AES taqyrybynda júrgizilgen saýalnamalardyń nátıjelerimen bólisti.
- Birneshe áleýmettik saýalnamalardyń derekteri kórsetkendeı, AES qurylysyn qoldaıtyndar kóbeıip keledi. Máselen, QSZI tapsyrysy boıynsha júrgizilgen saýalnamaǵa sáıkes suraqqa jaýap bergenderdiń kópshiligi (53,1%) Qazaqstanda AES salý ıdeıasyn qoldaıdy. Atom elektr stantsııalaryn salý ıdeıasyn qoldaýshylar oǵan úlken úmit artady, sonyń ishinde 2030 jylǵa qaraı elektr energııasynyń tapshylyǵy máselesin sheshetine senimdi. Sodan keıin Qoǵamdyq saıasat ınstıtýty júrgizgen saýalnama 59,3% deńgeıinde qoldaý bar ekenin kórsetti. Eń sońǵy «Sotsıs A» saýalnamasy «Qazaqstanda atom elektr stantsııasynyń qurylysymen kelisesiz be?» suraǵyna 60,4% oń jaýap bergeni baıqalady, - Alýa Joldybalına.
Eske salaıyq, buǵan deıin AES tehnologııalary álemde qanshalyqty zerttelgenin jazǵanbyz.
