Sońǵy on jylda 700 bala sýǵa ketip kóz jumdy

ASTANA. KAZINFORM — Qazaqstanda sońǵy 10 jylda 2 240 adam, onyń ishinde 701 bala sýǵa ketip kóz jumdy. 

Dúnıejúzilik sýǵa batýdyń aldyn alý kúni qarsańynda Tótenshe jaǵdaılar mınıstrligi bir aptalyq respýblıkalyq «Balalardy sýda qorǵańyzdar» aktsııasyn bastady.

Aktsııanyń maqsaty — kámeletke tolmaǵan azamattardyń jazataıym oqıǵaǵaǵa ushyraýyna jáne qaza bolýyna jol bermeý.

Qazaqstanda sońǵy 10 jylda 2 240 adam, onyń ishinde 701 bala sýǵa ketip kóz jumdy. 

Bıyl shomylý maýsymy bastalǵannan beri elimizdiń sý aıdyndarynda qaýipsizdik sharalary kúsheıtildi. Qazaqstan qutqarýshylary 160 adamdy, onyń ishinde 44 balany qutqardy.

Alaıda jaz bastalǵaly 93 adam, onyń ishinde 35 bala sýǵa batyp ketti.

Balalardyń qaıtys bolý faktileri kóbinese Atyraý, Qostanaı, Qyzylorda, Batys Qazaqstan, Mańǵystaý jáne Abaı oblystarynda tirkeldi.

Negizgi sebepteri — tyıym salynǵan jerde shomylý, balalardy qaraýsyz qaldyrý, shamasyna qaramaı alysqa júzý jáne júze almaý.

Osyǵan baılanysty atalmysh óńir qutqarýshylary kezekti reıdke shyǵady.