Sońǵy kúnderi elde úsh jol apatynan 25 adam qaza tapty

ASTANA.KAZINFORM ІІM jol qozǵalysyna qatysýshylarǵa úndeý jasady

11 qyrkúıekte Mańǵystaý oblysynda shaǵyn avtobýstyń aýdarylýy saldarynan 10 adam kóz jumdy.

14 qyrkúıekte Jetisý oblysynda úsh kóliktiń soqtyǵysyp, taǵy 10 adamnyń ómirin qıdy, apattyń sebebi qarsy baǵytqa shyǵý bolǵan. 

Qaraǵandy oblysynda da dál osyndaı sebeppen jol-kólik oqıǵasy bolyp, 5 adam qaza tapty.

— Qaza bolǵandardyń otbasylaryna qaıǵyryp kóńil aıtamyz. Bul — jaı ǵana jol apattary emes. Bul — orny tolmas adam shyǵyndary, — dedi ІІM ÁPK tóraǵasynyń orynbasary Ǵalym Sarǵulov.

Atalǵan oqıǵalar boıynsha qylmystyq ister qozǵaldy. ІІM tergeý jumystaryn júrgizip jatyr. Biraq, ókinishke qaraı, eshqandaı tergeý qaza tapqandardyń ómirin qaıtara almaıdy.

— Barsha júrgizýshilerge úndeý joldaımyz: jol qatelikti keshirmeıdi. Jyldamdyqty arttyrý, qarsy baǵytqa shyǵý, qaýipti manevr jasaý, qaýipsizdik beldigin taqpaý munyń bári adam ómirine qaýip tóndiretin qatelik, — dedi Ǵalym Sarǵulov. 

Іshki ister mınıstrligi joldaǵy baqylaýdy kúsheıtýde. Aýqymdy tekserister, reıdter, qalaaralyq baǵyttar men jeke tasymaldaýshylarǵa monıtorıng júrgiziledi. Kóliktiń tehnıkalyq jaǵdaıyna jáne júrgizýshilerdiń jaýapkershiligine erekshe nazar aýdarylady.

Aıta ketelik bir túnde jol apatynan 15 adam qaza tapqan edi.